Hesperian Health Guides
پہلے دو مہینوں میں بچے کا اکثر معائنہ کریں
ہیسپرین ہیلتھ ویکی > نئی جہاں ڈاکٹر نہ ہو > باب نمبر 27: نوزائیدہ بچے اور انھیں چھاتی سے دودھ پلانا > پہلے دو مہینوں میں بچے کا اکثر معائنہ کریں
پیدائش کے بعد مڈوائف یا صحت کارکن کو ماں اور بچے کی دیکھ بھال کرتے رہنا چاہیے۔ ماں اور بچہ معائنے کے لیے صحت مرکز آسکتے ہیں، لیکن جب بھی ممکن ہو بچے کا پہلا معائنہ گھر پر ہی کرنا چاہیے تاکہ وہ سفر کرنے یا صحت مرکز پر دوسرے مریضوں کا سامنا کرنے سے محفوظ رہے۔ پیدائش کے اگلے دن ماں اور بچے کا معائنہ کریں، پیدائش کے تین دن بعد اور پھر پیدائش کے ایک ہفتے بعد ماں اور بچے کا معائنہ کریں۔ اگلا معائنہ 6 ہفتے پر مناسب ہوتا ہے۔ اگر ماں یا بچے کو کسی بیماری یا مسئلے کا سامنا ہو تو ضرورت کے مطابق انھیں دیکھنے جائیں۔ ماں اور بچے کو بار بار دیکھنا اور ان کی حالت سے باخبر رہنا اور کسی بیماری یا خرابی کا پتا لگانا بہتر ہوتا ہے اور بیماری کے جان لیوا ہونے سے پہلے اس کا علاج کرنا ممکن ہوتا ہے۔